Fiskikapping og fiskauppboðssøla í Hósvík leygardagin 8. Mai

 

Leygardagin 8. Mai 2021 skipar Stuðulsfelagið hjá bátafelagnum Grynnuni í Hósvík fyri fiskikapping og fiskauppboðssølu í Hósvík. Leingi hevur ikki verið ráðiligt at skipa fyri tiltøkum, men nú leggja vit frá landi og bjóða øllum áhugaðum til Fiskikapping!

Møguleiki verður at fáa útflýggjað luttøkuskjøl og at leggja veiðuna upp bæði á Eiði og í Hósvík. Lagt verður frá landi kl. 7:30 leygarmorgunin 8. Mai, tá luttøkuskjøl verða útflýggjaði. Allir bátar skulu vera aftur í landi – antin á Eiði ella í Hósvík – í seinasta lagi kl. 17:00.

Tað er bert loyvt at nýta snøri, snellu ella tráðu sum veiðireiðskap, og av trygdarávum skulu í minsta lagi tvey fólk vera við hvørjum báti.

Tann bátur, sum hevur størstu veiðu pr. Luttakara er vinnari. Manningarnar á trimum teimum bestu bátunum fáa steyp til ognar og góðar vinningar, m.a. Viðskiftakort frá Magn og gávukort frá RIB62. Steyp verður eisini latið til tann, ið fær størsta fiskin eftir vekt. Allur fiskur skal vera blóðgaður og kruvdur.

Tá veiðan er gjørd upp verður skipað fyri fiskauppboðssølu við Felagshúsið Grynnan á Bryggjuni í Hósvík. Tá verður møguleiki hjá øllum áhugaðum at bjóða upp á veiðuna, sum luttakararnir velja at lata til uppboðssøluna. Bæði heilur og flaktur fiskur verður seldur á uppboðssølu.

Tá bátarnir koma aftur og meðan fiskauppboðssølan verður, skipar Stuðulsfelagið fyri at kaffi og okkurt gott til góman verður til keyps í Felagshúsinum Grynnan. Steyp og vinningar verða handaði best fiskandi manningunum við Felagshúsið kl. 18:00.

Øll áhugaði eru vælkomin at luttaka í Fiskikappingini og í Fiskauppboðssøluni á Bryggjuni í Hósvík.

Tey, ið ynskja at luttaka í Fiskikappingini, skulu boða fyriskiparunum frá í seinasta lagi fríggjadagin 7. Mai kl. 12:00. Send fráboðan um luttøku við telduposti til fiskikapping@gmail.com.

Meira kunning um tiltakið sæst eisini á Facebookbólkinum:

Fiskikapping í Hósvík 8. Mai 2021

 

 

 

Mint verður á, at luttakarar eiga at hava neyðuga trygdarútgerð umborð, vísandi til Løgtingslóg nr. 25 frá 12. Apríl 2006 um Bjargingarútgerð á opnum bátum og førum undir 20 bruttotons.

 

Stuðulsfelagið hjá bátafelagnum Grynnuni í Hósvík

Udgivet i Boð Til Limir | Skriv en kommentar

Viking Festival

Udgivet i Boð Til Limir | Skriv en kommentar

Rækjukvøld leygarkvøldið 13. mars kl 20.00

Borðreitt verður við ópilkaðum rækjum, breyði og vín/øl
Kostnaðurin fyri kvøldið er settur til kr. 150,- og fyri hetta fæst:
Væta til góman við komu, breyð, rækjur ein øl/vín, eins og kaffi og køkubiti.

Eisini luttekur Debes við harmonikuni
Fyri at innkeypið skal verða skilagott, er neyðugt við tilmelding, sum fer fram her á
Heimasíðuni,

Luttakaratalið er sett til 60 og verður tilmeldingin eftir “Først til mølle….”
Seinasta freist er  12. mars. Kl 18.00

Hugnanevndin

SØLAN ER ENDA

Udgivet i Boð Til Limir | Skriv en kommentar

VEGNA CORONA GLØGGKVØLD AVLÍST!!!!!!!!

Vegna Corona tilmalini verður Gløggkvøldi fríggjadagin 18/12 avlíst

Udgivet i Boð Til Limir | Skriv en kommentar

Aðalfundurfundurin verður mikudagin 2. desember 2020 kl 1900

Frá Tórshavnar Bátafelag.

Aðalfundurfundurin verður mikudagin 2. desember 2020 kl 19,00 í húsum felagsins í Vágsbotni.

Skrá sambært lógum felagsins.

Uppskot, sum ynskjast viðgjørd, herundir uppskot til nevndarlim, skulu verða nevndini í hendi í seinasta lagið 8 dagar undan fundinum.

Uppskot eru um lógarbroytingar.

Uppskotini eru til taks í felagshúsinum.

Nevndin

 

Udgivet i Boð Til Limir | Skriv en kommentar

Burturkast á sjónum – spurnablaðakanning

Vegna donsku ráðgevarafyritøkuna Planmiljø sendir Umhvørvisstovan tær/tykkum henda teldupost.

Hetta leinki https://da.surveymonkey.com/r/6S7N9XB?lang=fo_FO leiðir til eina norðurlendska spurnablaðakanning, sum er partur av norðurlendsku verkætlanini “Når skibe opsamler affald i havet – Fjernere af barrierer i nordiske småsamfund”. Spurningarnir eru á føroyskum.

Planmiljø hevur áður heitt á tykkum – eins væl og onnur feløg í Føroyum, Grønlandi, Íslandi, Bornholm og Álandi – fyri at fáa tykkum at heita á limirnir hjá tykkum um at svara spurningunum í spurnablaðakanningini.

Av tí, at PlanMiljø hevur fingið ov fá svar úr Føroyum, hevði verið gott, um tit mintu limir tykkara á áheitanina. Tykkara svar eru við til at geva eina greiðari mynd av støðuni í Føroyum. Seinni verður frágreiðing givin út og tá er gott, um upplýsingarnar úr Føroyum eru nøktandi.

Um tit hava eina Facebook síðu, so eru jú góðir møguleikar at spyrja tykkara limir har! Kanska við hesum teksti (uppskot):
“Hey tit! Í sambandi við eina norðurlendska kanning um hvørjar forðingar eru fyri, at ikki meira burturkast, plast og annað, sum sløðist á sjónum, verður tikið umborð og við til lands, er ynski um, at tú, sum limur í felagnum, svarar nøkrum spurningum, sum eru í hesum spurnablaðið: https://da.surveymonkey.com/r/6S7N9XB?lang=fo_FO Til ber at svara til og við sunnudagin 15. nov. 2020.”

Um tit hava spurningar ella okkurt ivamál, so ring ella skriva til mín.

 

Vinarliga


Maria Gunnleivsdóttir Hansen
umhvørvisstovan
vernd

Udgivet i Boð Til Limir | Skriv en kommentar

Løgtingslóg nr. 165 frá 21. desember 2001 um trygd á sjónum, sum seinast broytt við løgtingslóg nr. 85 frá 29. mai 2017

52.4)Á sama hátt, sum ásett í § 49, verður tann revsaður, sum førir skip ella hevur starv umborð, ið hevur stóran týdning fyri trygdina, og sum hevur drukkið so mikið av rúsdrekka, at alkoholstyrkin í blóðinum undir ella aftan á siglingina fer upp um 0,20 promillu, ella alkoholstyrkin í útandingarluftini undir ella aftan á siglingina fer upp um 0,10 mg pr. litur luft. Sama er galdandi fyri førara av vatnskutarum og tílíkum førum.

Stk. 2. 4) Ásetingarnar í stk. 1 eru ikki galdandi fyri stuttleikaskip 12 metrar og styttri. Á sama hátt, sum ásett í § 49, verður tann revsaður, sum førir stuttleikaskip, ið er 12 metrar og styttri, ella hevur starv umborð á slíkum stuttleikaskipi, ið hevur stóran týdning fyri trygdina, og sum hevur drukkið so mikið av rúsdrekka, at alkoholstyrkin í blóðinum undir ella aftan á siglingina fer upp um 0,40 promillu, ella alkoholstyrkin í útandingarluftini undir ella aftan á siglingina fer upp um 0,20 mg pr. litur luft.

Stk. 3. 4) Ásetingarnar í stk. 1 og 2 eru ikki galdandi fyri stuttleikaskip 12 metrar og styttri, sum í mesta lagi kunnu sigla 15 sjómíl um tíman. Hesi stuttleikaskip koma tó framvegis undir revsiásetingarnar í § 52 a.

Stk. 4. 4) Ásetingarnar í stk. 1-3 eru ikki galdandi fyri stuttleikaskip, sum liggja bundin við bryggju ella á vardum akkersplássi.

Stk. 5. 4) Ásetingarnar í stk. 1-3 eru eisini galdandi fyri útlendsk stuttleikaskip í føroyskum sjóøki.

Udgivet i Boð Til Limir | Skriv en kommentar

Lokahugnin verður 19 sep. kl 1800

 

19 sep. frá kl 18.00

Lokadagur.
Lokadagurin verður 19. sep. 2020 kl 18.00.
Vegna koronastøðuna verður dagurin hildin úti og í bátunum.
Viðrar als ikki at vera úti, vera vit innandura og halda koronatilmælini.
Vónandi koma nógvir bátar.
Tilmelding hjá Rúna: Tlf 212700.
Við bátakvøðu
Nevndin

 

Udgivet i Boð Til Limir | Skriv en kommentar

Avsláttur við keyp av akkumolatorum

Vit í nýggja handlinum Akkumulatorsølan Sp/f vilja bjóða liminum í Tórshavnar Bátafelag 20% í avslátturi uppá akkumulatorar.

 

Sálvsagt eru prísirnir góðir og vøran fyrsta flokks.

 

Jann Marner í Gong Kjærbæk

Akkumulatorsølan Sp/f (Equal Sp/f)

Landavegur 2

100 Tórshavn

Faroe Islands

 

Phone +298 310012

Mobil +298 270560

Udgivet i Boð Til Limir | Skriv en kommentar

Sail in 4 juli

Udgivet i Boð Til Limir | Skriv en kommentar